Mag-guna. Mag da-ub. Manglimpyo sa classroom. Mao na akong "trabaho" sa una. Kadtong grade 1 ug grade 2 pa ko. Ang resulta? Di kibaw mubasa ug musuwat. Ambot nganong nakapasar ko sa mga exam nga naa man kos gawas sa classroom.
Tig-dala ko sa yawi sa among room kay duol ra among balay sa eskwelahan. Mo-abot ko didto mga alas 6 sa buntag nya mangabli sa room. Nya sugod na dayun sa pagpanilhig. Ig abot sa akong mga klasmeyts kay manglingkod dayun na silas ilang desk. Nya ako ug ang akong usa ka kauban kay adto sa gawas manilhig sa dahong laya, mananom ug mayana ug golden doranta, ma-mubo sa tanom.
Di ko kibaw mobasa ug musuwat sa grade 1 ug grade 2 ko. Kibaw ra ko mu-ihap kay tigbaligya man ko taga recess sa among room. Ako man tigkuha sa basket gikan sa canteen nya ibaligya sa among room. Sige ko ka kuha ug "Very Helpful" sa akong card taga grading period. Nya "talkative" and bad points sa likod sa card.
Taga section K d ay ko sa una, nya ang uwahi nga section kay N. Dili tantong layo. Pero sa akong nahihumduman kay wala man ko nagbasol. Lingaw ra man ang katong akong nasinati. Ang sa ako lang sa una kay malingaw ko dagan-dagan ug ligid-ligid sa bundo sa eskwelahan ig human namong da-ub ug guna.
Maynalang gani kay pag grade 3 gihinay hinayan kog tudlo sa akong mga ig-agaw pagsuwat ug pagbasa. Unsa man sad ning mga ginikanan nato nga sigeg trabaho walay panahon para mo tutok sa edukasyon sa ilang anak. Basta nakahibaw ko mubasa ug musuwat, pinakatay pa jud!
Nya nag grade 4 ko. Naa toy reading comprehension exam pag 2nd grading. Gipabasa ko unya naay mga pangutana bahin sa gibasa ig human. Sa kalooy sa Ginoo nakatubag man sad. Ug didto naa na dayun koy partner nga akong tudlu-an ug basa. Maayo naman kuno ko mubasa. Ug sa grade 4 ko kay nahimo ko nga top sa among classroom. Top 1 sa section M. Last section kay section N. Proud kaayo akong mama ug papa ato kay naa akong ngan sa katolina Top 1 sa section M. Brayt kuno ko, brayt sa mga bugo. Bahala na basta brayt!
Pag Grade 6 na ko kay maayo kaayo akong titser sa science. Kay kahinumdum jud ko nga ganahan kaayo ko sa subject ato. Naa pa mi ato mag lumba-anay ug answer, pirmi jud ko ka daug ani. Nya maayo na kaayo ko mananum kay nindot na ang garden sa among classroom. Pero wa mo kay nka 93 ni sa NEAT doh! Section G pero brayt. whaahhaha :D
3 comments:
hahahahah. nya asa man ang ebidensha? naay ribbon ka ani?
brayt kau ka sa mga bogo! haha
giro! ui tabangi ko sakong bhaus beh. gusto nako butangan ug tanum. maayu man kaha ka mananum.
Bhaus as in...
1. Beer haus?
2. Beega haus?
3. Bino haus?
Ehehhehe :p
Post a Comment